Tuesday, 23 October 2012

Filled Under:

NABI (S.W.S) NOOR HAIN YA BASHAR?

BISMILLAHHIR RAHMANIR RAHEEM
BARELWI LOGON KA EK AQEED YE BHI HAI KI ALLAH KE NABI KAREEM (S.W.S) NOOR HAIN, JISKA QURAN WA HADITH SE KOI TALLUQ NAHI ISKE BAWOOD YE APNE AAPKO AHLE SUNNAT KAHTE HAIN,, YE LOG AAPKO INSAANIYAT KE DAIRE SE BAHAR KARKE NOORI MAKHLOOQ ME DAAKHIL KAR DETE HAIN,
YE AQL SE ALAG SAMJH SE DOOR EK AQEEDA HAI AUR AAM AADMI KI SOCH WA SAMJH SE DOOR HAI, ISLAMI SHARIAT SAADA AUR AASANI SE SAMAJH ME AANE WAALI SHARIAT HAI IS TARAH KI ULJHI HUI AUR AQAL SE HATI HUI BAATON KA USSE KOI LENA NAHIN, QURAN KI AYATEN BHI BAYAN KAR RAHI HAI KI AAP(S.W.S) INSAAN THEY,
AB IS SILSILE ME QURAN KI AYATEN DEKHTE HAIN, PHIR INSHAALLAH BARELWI MASLAK KI KITABEN KHOLENGE,
"WA MA MAN NA-AASA AYYUMINU IZ ZA AHUMUL HUDA ILLA AN QAALU AB ASALLAAHU BA SHA RAR RASOOLA"
TRANS: AUR NAHI MANA KIYA LOGON KO YAH KI IMAAN LAAYEN JIS WAQT AAYI UNKE PAAS HIDAYAT MAGAR YAH KI KAHA UNHONE BHEJA ALLAH NE AADMI KO PAIGHAM PAHUNCHAANE WAALA
(BANI ISRAEL 94)
PHIR ALLAH FARMATA HAI-
"KAH AGAR HOTE BEECH ZAMEEN KE FARISHTE CHALA KARTE ALBATTA UTAARTE HUM UPER UNKE AASMAAN SE FARISHTE KO PAIGHAM PAHUNCHANE WAALA KAHA UNHONE NAHI TUM YAH KI, BAND KARO HUM KO US CHEEZ SE KI IBAADAT KARTE BAAP HAMAARE TO LE AAO HAMAARE PAAS KHULI DALEEL"
PAIGHAMBARON NE APNI BASHARIYAT KA SABOOT DETE HUE ISTARAH KAHA HAI-
"UNKE RASOOLON NE(ISKE JAWAB ME) KAHA KI HUM BHI TUMHARE JAISE AADMI HI HAIN LEKIN ALLAH APNE BANDON ME SE JIS PAR CHAAHE EHSAAN KARE"
(IBRAHEEM 11)
ALLAH KA IRSHAAD HAI-
"AUR AAP UNKE SAAMNE EK KISSA MATLAB(EK BASTI WALON KA KISSA) US WAQT BAYAN KIJIYE JABKI US BASTI ME KAI RASOOL AAYE, YANI JAB HAMNE UNKE PAAS (PAHLE) DO KO BHEJA TO UN LOGON NE (PAHLE) DONO KO JHOOTA BATAYA PHIR TEESRE(RASOOL) SE MALUM KIYA TO UN TEENO NE KAHA KI HUM TUMHAARE PAAS BHEJE GAYE HAIN, UN LOGON NE KAHA TUM TO HAMARI TARAH MAAMOOLI AADMI HO"
(YASEEN 13-15)
EK AUR AYAT MULAHIZA HO
" TO UNKI QAWM ME JO KAFFIR RAEES(MAALDAAR) THEY WO KAHNE LAGE KI YAH INSAAN SIWAAY ISKE KI TUMHARI TARAH EK MAMOOLI AADMI HAI AUR KUCH NAHI ISKA MATLAB YAH HAI KI TUMSE BARTAR HOKAR RAHEN AUR ALLAH KO(RASOOL BHEJNA) MANJOOR HOTA TO FARISHTON KO BHEJTA, HAMNE YAH BAAT APNE PAHLE BADON ME NAHI SUNI, BAS YAH EK AADMI HAI JISE JUNOON HO GAYA HAI TO KHAAS WAQT TAK USKI HAALAT KA INTEZAAR KARO"
(MOMINUN 24-25)
AUR AAGE DEKHIYE
"BAS YAH TO TUMHARI TARAH EK (MAMOOLI) AADMI HAI, YE WAHI KHATE HAIN JO TUM KHAATE HO AUR WAHI PEETE HAIN JO TUM PEETE HO AUR AGAR TUM APNE JAISE EK (MAMOOLI) AADMI KE KAHNE PAR CHALNE LAGE TO BESHAQ TUM GHAATE ME HO"
(MOMINUN 33-34)
AUR EKA WAALON NE BHI HZ SHOAIB AS KO IS TARAH KAHA THA-
"AUR TUM BHI KYA HO SIWAAY HAMAARE JAISE EK AADMI KE AUR HAM TUMKO JHOOTON ME SAMJHTE HAIN"
(SHURA 186)
ALLAH KA IRSHAAD HAI
"AUR YE LOG MATLAB ZAALIM LOG(AUR KAFFIR) CHUPKE CHUPKE KAANAFOOSI KARTE HAI KI YAH(NABI SWS) SIRF TUM JAISE EK AADMI HAIN TO KYA TUM PHIR BHI JAADU(KI BAAT) SUNNE KO UNKE PAAS JAOGE JABKI TUM JAANTE HO"
(AMBIYA 3)
AUR ISKE JAWAB ME ALLAH KA IRSHAD HAI
"AUR HAMNE AAPSE PAHLE SIRF AADMIYON HI KO PAIGHAMBAR BANAYA JISKE PAAS HUM WAHIY BHEJA KARTE THEY TO(AIY INKAAR KARNE WALON) AGAR TUM KO(YAH BAAT) MALUM NA HO KITAAB WALON SE MALUM KAR LO"
(AMBIYA 7)
AUR ALLAH NE AAPKO HUQM DIYA KI YE KAHEN
"AAP KAH DIJIYE KI MAIN TO BAS TUMHARE JAISA HI INSAAN HUN MERE PAAS TO BAS EK WAHIY AATI HAI KI TUMHARA MABOOD EK HI MABOOD HAI"
(AL KAHF 110)
QUL SUBHANA RABBI HAL KUNTU ILLA BA SHA RAR RASOOLA
TRANS:"AAP KAH DIJIYE KI PAAK HAI ALLAH MAIN TO SIRF EK AADMI (AUR) RASOOL KE AUR KYA HOON"
(BANI ISRAEL 93)
AIYYE AB ZARA UMMUL MOMINEEN HZ AISHA (RA) KI HADITH E MUBARKA BHI SUN LETE HAIN-
"NABI S.W.S BASHAR KE SIWA KOI DUSRI MAKHLOOK NA THEY APNE KAPDE DHOTE, APNI BAKRI KA DHOOD DHOTE AUR APNI SEWA(HELP) AAP KARTE THEY"
(TIRMIZI)
AB ZARA KUCH HADEESE AHMAD RAZA KE BHI SUN LIJIYE...MAIN NAHI CHAHTA KI KOI KAHE KI AHMAD RAZA KI HADITH TO BATAYI NAHI..
" RASOOL ALLAH KE NOOR SE HAIN AUR SAARI MAKHLOOQ AAPKE NOOR SE HAI"
(MAWAIZE NAEEMIA 14)
"ADAM, HAWWA, JINN WA INSAAN , ARSH NA KURSHI, HAR CHEEZ MUHAMMAD KA HI NOOR HAI"
(DEWAN DIDAR ALI 41)
"FARISHTE AAP HI KE NOOR SE PAIDA HUWE KYONKI NABI (S.W.S) FARMATE HAIN ALLAH NE HAR CHEEZ MERE NOOR SE PAIDA FARMAYI"
(SALATUS SAFA 37)
"AAPKA SAAYA ZAMEEN PAR NA PADHTA THA AUR AAP SIRF EK NOOR THEY, JAB AAP DHOOP YA CHANDNI ME CHALTE AAPKA SAAYA NAZAR NA AATA THA"
(MAJMUA RASAIL-202)
SAAYE KE TALLUQ SE MERA ARTICLE PADHE"KYA NABI SAW KA SAAYA MUBARAK NAHI THA"
BHAIYYON YE TO EK NAMOONA THA AISE BAHUT SE AFSANE BHARE PADE HAIN KYA KYA BAYAN KARUN SIRF ITNA IMAN RAKH LIJIYE KI AAP BASHAR THEY
MAINE HAQ BAAT PAHUNCHA DI
AB JO KOI YE ARTICLE PADH RAHA HAI USKA FARZ BANTA HAI KI YE DUSRON TAK PAHUNCHAAYE......
INSHAALLAH HAMARI MAHNAT ZAROOR KAMYAB HOGI

3 comments:

  1. Noor-e-Mustafa (Sallalaho Alehe Wassallam) Ahadees ki Roshni main:
    Hadees Shareef:
    Tarjuma: “Sarkar-e-Aazam (Sallalaho Alehe Wassallam) ne Irshad farmaya, Tamaam Makhlooqat se Pehley ALLAH TA’ALA ne Meray Noor ko Peda farmaya”..
    (Tafseer-e-Rooh-ul-Bayaan, Jild#2, Page#191)
    (Madarij-un-Nabuwwah, Jild#2, Page#2)
    (Ma’arij-un-Nabuwwah, Jild#5, Page#135)
    Hadees Shareef:
    Tarjuma: “Sarkar-e-Aazam (Sallalaho Alehe Wassallam) ne farmaya k Main ALLAH TA’ALA k Noor se hun, aur Saari Makhlooq meray Noor se hai”..
    (Madarij-un-Nabuwwah, Musannif Shah Abdul Haq Muhaddis Dehelvi (Aleh Rehmah))
    Hadees Shareef: “Hazrat Jabir (Razi ALLAH Anhu) se marwi hai k Sarkar-e-Aazam (Sallalaho Alehe Wassallam) ne Irshaad farmaya, Ae Jabir..! (Razi ALLAH Anhu) Beshak ALLAH TA’ALA ne sab Ashiya (cheezon) se pehley Teray Nabi (Sallalaho Alehe Wassallam) ka Noor apney Noor (k Faiz) se Peda farmaya”..
    (Muwahib-ul-Ludanniyah, Zarqani Shareef, Jild#1, Page#42)
    Hadees Shareef:
    Tarjuma: “Hazrat Ibn-e-Abbas (Razi ALLAH Anhu) Bayaan kartey hain, Ek Raat main apni Khala Syeddah Memoonah (Razi ALLAH Anhu) k Ghar Theher gaya, (Imam Muslim Farmaatey hain) is k Baad pura Qissa hai
    Taaham is main Chehray aur Baazoo dhoney ka Zikar nahin hai, Balkey yeh Mazkoor hai k AAP (Sallalaho Alehe Wassallam) Mashkeezay k pass Tashreef laaey, us ka Mounh khola aur Darmiyaani Darjey ka Wuzu kiya, phir AAP (Sallalaho Alehe Wassallam) Bistar per Aakar So Gaey, phir Dobarah Bedar huwey, Mashkeezay k pass aae, aur Mukammal Wuzu kiya (Muslim farmaatey hain is Riwaayat main Dua k Alfaaz main) “Mujhey Noor bana dey” k Bajaey “Meray Noor main Izaafah kar dey” k Alfaaz hain..
    (Muslim Shareef, jild#1, Kitab us Salaat wal Musaafireen o Qasarha, Raqam ul Hadees#1693, Page#596, Matboo’a Shabbeer Brothers, Lahore)
    Result: Huzoor (Sallalaho Alehe Wassallam) ka Dua farmaana k Meray Mola (Azzawajal) Meray Noor main izaafah kar dey , is baat ki taraf Isharah hai k Meray AAQA (Sallalaho Alehe Wassallam) Noor they hi, isi liye to apney Noor main Izaafah ki Dua ki..
    Aqeedah: Sab se pehley Martabah e Nabuwwat Huzoor (Sallalaho Alehe Wassallam) ko mila, Roz-e-Mesaq tamaam Ambiya (Aleh Salam) se Huzoor (Sallalaho Alehe Wassallam) per Eemaan laaney aur Huzoor (Sallalaho Alehe Wassallam) ki Nusrat karney ka Ehed liya gaya, aur isi Shart per yeh Mansab e Aazam in ko diya gaya..
    Huzoor (Sallalaho Alehe Wassallam) Nabi ul Ambiya hai, aur Tamaam Ambiya Huzoor (Sallalaho Alehe Wassallam) k Ummati, sab ne apney apney Ehed e Kareem main Huzoor (Sallalaho Alehe Wassallam) ki nayabat main kaam kiya, ALLAH Azzawajal ne Huzoor (Sallalaho Alehe Wassallam) ko apni Zaat ka Mazhar banaya, aur Huzoor (Sallalaho Alehe Wassallam) k Noor se tamaam Aalam ko Munawwar farmaya..
    (Bahar-e-Shari’at, Hissa Awwal)
    Mandarja Bala tamaam Ahadees e Mubarikah se yeh baat saabit huwi k Sarkar-e-Aazam (Sallalaho Alehe Wassallam) Noor Ala Noor hain, Balkey AAP (Sallalaho Alehe Wassallam) k Noor hi se Kainat main Noor hai..
    Bashriyat ka Falsafa:
    Al-Quran: Tarjuma: “Tum Farmao Zaahir Soorat Bashri main to main tum jesa hun”..
    (Surah Kahaf, Aayat#110, Parah#15)
    Is Aayat-e-Kareemah main Sarkar-e-Aazam (Sallalaho Alehe Wassallam) se ALLAH TA’ALA ney Bashar Kehelwaya, yahaan lafz-e-Bashar kehna AAP (Sallalaho Alehe Wassallam) ki Inkasaari hai, jesay koi Haakim e Waqt apni Ri’aaya se kahey k main to Aap ka Khadim hun,
    Khadim kehna Haakim-e-Waqt ki Aajizi o Inkasaari hai, kehney se who Khaadim hargiz na hoga, Sarkar-e-Aazam (Sallalaho Alehe Wassallam) se ALLAH TA’ALA ne Bashar Kehelwaya, khud Rab-e-Kareem ne Bashar na kaha..

    ReplyDelete
  2. Al-Quran:
    قد جاء کم من اللہ نور
    Tarjuma: “Beshak tumharey pass ALLAH ki taraf se ek Noor aaya”..
    (Surah Maedah, Aayat#15, Parah#6)
    Tafseer:
    (Ibn-e-Abbas, Page#72),
    (Tafseer-e-Kabeer, Page#396, Jild#3),
    (Tafseer-e-Khazin, Page#417, Jild#1),
    (Tafseer-e-Madarik, Jild#1, Page#470),
    (Tafseer-e-Rooh-ul-Ma’ani, Page#87, Jild#6),
    (Tafseer Rooh-ul-Bayan, Page#548, Jild#1),
    (Tafseer Dur-re-Mansoor, Page#231, Jild#3),
    (Tafseer-e-Jalaleen),
    (Tafseer-e-Ibn-e-Jareer),
    (Madarij-un-Nabuwwah),
    aur (Muwahib-ul-Ladunniyah),
    Tamaam Mu’tabar Tafaseer main Mufassireen ne is Aayat main Noor se Sarkar-e-Aazam (Sallalaho alehe Wassallam) ko Murad liya hai..
    Al-Quran:
    وانزلنا الیکم نورا مبینا
    Tarjuma: “Aur hum ne tumhari Taraf Roshan Noor Utara”
    Tafseer: Is Aayat-e-Mubarikah main Roshan Noor se Murad Sarkar-e-Aazam (Sallalaho Alehe Wassallam) ki Zaat hai..
    Al-Quran:
    Tarjuma: “Chahtey hain k ALLAH ka Noor apney Mounh se bujha den, aur ALLAH na Maaney ga, Magar apney Noor ko Pura karna Parey, Bura maanen Kaafir”..
    (Surah Tobah, Aayat#32, Parah#10)
    Mufassireen is Aayat ki Tafseer main likhtey hain k is Aayat main Noor se Murad Sarkar-e-Aazam (Sallalaho Alehe Wassallam) hain, Kuffar chahtey they k Sarkar-e-Aazam (Sallalaho aleh Wassallam) ko (Maz’ALLAH) Qatal kar diya jaey, Quran-e-Majeed ki is Aayat main Waazeh hai k ALLAH TA’ALA ne apney Mehboob (Sallalaho Alehe Wassallam) k Qatal per kisi ko Qudrat nahin di..
    In Tamaam Aayat aur Tafaseer se yeh baat saabit huwi k Huzoor (Sallalaho Alehe Wassallam) Noor hain..

    ReplyDelete

Copyright @ 2015 Islam Ka Noor.